Dɔndug Cand Pugn-n-po

Cand Pugn-n-po n tie katesiid i g kal Dɔndug. U mɔg piinmu yen bina nniin i. U g ban g kua bituudm kalaatu. Bina piintaa yen ŋanniin n nyan, k u kua ciɛnm Kalaatu.

« Min baal Dɔndug binn nba, siɛl bo mab’n bonciɛnn Kristo Tintaanu n. Sua bo g be g bu fid g lii Yendu Kadaaɔg t danm maam n. Baa kalaatubid nba bo be mɔno bo g fid g lii muaba n. Lann i k n bo yiin ATAPEB yab k b gbaa g tien tonm g tod’n k t luod kalaatu dieog, g yab kua kalaatu bituudm n waam banŋ liinu yen diɛnu t danm maam n.

Dinne, n pal man bonciɛnn yen l kalaatu n tod’ti nand nba g dugn yab bo gaal tunda nyan ninŋ, bantaa ji lii Yendu Mɔmaam t Kristo tintaann n yen yanmani cagl n ninŋ. Yal nba ŋanm g manŋ n pal tie g yab nba bo gaal tunda nyan ninŋ, puoyend  gaal Kristo. ATAPEB yab biɛ tod’ti k t luod kalaatu dieog yab g kua kalaatu canyiin po. B mɔ yaa siign niib bantaa fid g lii Yendu kadaaɔg t Kristo tintaann n. Faaɔg kan fa, mɔlane n pal ji paa k ban muand yal yen ban lii yal t tintaana n, niib ŋanm g gbiɛ l niimn k l baad yen lebdu b binbem n.

N miɛd g Yendu ń luod lieb mɔ yaa maalm k ban fid gii mɔg niɛnŋ t danm maam po, lann n bu te ban fid g yal b kua youg ń tuu youg. N tiend ATAPEB yab balg, g tiend yab nba kul tod k t ninjanm yen t niipuob nba g kua kalaatu ń mɔ bann Kristo. »

(kpanyil ŋmaalg n, bina 2018)

Emmanuel Tchante 180525paint.png
Partager