muaba‑benn laabaal yen tuona

Gbencaal sipaan Kɔnbad Laal kasied

Ne buol ne, a bu lii kasied-nba nba nya ATAPEB tuona n ninŋ.

Kɔnbad Laal tie Gbencaal sipaan i. U mɔg piig yen bina ŋanniin i, g banŋ tiela tuonn bina ŋanna n nyan. U naa yen u baa bo g kuan'o bituudm kalaatu. U bo cil g kua muaba ciɛnm kalaatu binn nba bo pend (2015), g ji be bina ŋanle n ninŋ mɔlane. Wano n diɛn kasied nba ne muaba n ninŋ (bina 2016 cincanŋadug ŋmaalg n), g bu ŋɔn ciɛnm kalaatu nyuad.

« Min Kɔnbad Laal n da kadaaɔg ne g bua n fuond ATAPEB tuonsuncanbaa-nba. N tiend'i balg yen yin luod ciɛnm kalaatu dieog nba Gbencaal ne. L kalaatu tod tinm yab nba daan g kua bituudm kalaatu. L tod'n bonciɛnn n binbem n ninŋ. L tod'n Yendu kadaaɔg liinu n ninŋ yen n tuonbanŋu n ninŋ, g dugn min daan g ban liinu, n yam daan tu pud i youg kul n tuonn po. Ama mɔlane n ji be pamann n k l maa n ji bu fid g lii g biɛ bu fid g diɛn. Min biɛ maad g kalaatu g ŋan ii? Kalaatu ŋan.

N biɛ gbad Maari kasied k l ŋanm g tod'n n binbem po g dugn n gbad Maari n bo tie big g sun tuonbuolu nba kul. N mɔ tug yanjagl g jaand g Yendu ń tod'n n binbem n ninŋ min gii tie nyan Maari nyan, g dugn n la fala nba g Maari la u binbem n ninŋ yen bigna nba kul baal'o youg nba k u baa bo yiɛl. Yen u pal n bo l kɔn kalaatu po nand. U baa n bo tan yiɛl k u biɛ tug yanjagl k u baa guu u baa i. Maari bo la fala bonciɛnn, ama Yendu bo be yen'o. N mɔ bo bua Yendu ń tod'n n binbem n ninŋ, l gii tie bigna yaa aa, baa yal nba, min l gii sie k l paa.

Canbaa-nba Yendu ń tien'i balg g tod'i tuonn nba k u tug g kubn i nui n nyan, wan tod'i yin sun l tuonn g juod. Yendu ŋalbalg ń gii be yen'i. Amɛnn. »